Сарын тэмдэг саатсан, тестээр үзээд жирэмсэн болсон шинж илэрвэл өрхийн эмчид хандана эмэгтэйчүүдийн ЭХО-д  харуулна жирэмсэн батлагдсан тохиолдолд харьяа өрхийн эрүүл мэндийн төвд жирэмсний хяналтад орно. Тухайн өрхийн эрүүл мэндийн төвөөс жирэмсний хяналтын хөтөч картыг нээж дараагийн шатлалын эмнэлэг буюу дүүргийн эрүүл мэндийн төвийн эх барих, эмэгтэйчүүдийн эмч рүү илгээнэ.

• Эх барих, эмэгтэйчүүдийн эмчид үзүүлээд
  • Цусны ерөнхий шинжилгээ
  • Шээсний ерөнхий шинжилгээ
  • Цусны бүлэг, резус фактор
  • Элэгний В,С вирус илрүүлэх шинжилгээ
  • ДОХ, Тэмбүү илрүүлэх шинжилгээ
  • Үтрээний наацын шинжилгээ
  • Шээсэнд нян илрүүлэх /12-16 долоо хоногтоо/
  • Пренатал илрүүлэг /11-13 долоо хоногтоо заавал энэ хугацаанд үзүүлэхгүй бол ургийн гажиг илрүүлэх боломжгүй болохыг анхаарна уу!!!/
  • Биохимийн шинжилгээ
  • Хэвлийн ЭХО
• Шинжилгээний хариу бүрэн гарсны дараа жирэмсний дотрын эмчид үзүүлнэ. Жирэмсний дотрын эмч нь шинжилгээний хариуг үндэслээд өөрчлөлтгүй бол Өрхийн эрүүл мэндийн төв рүү илгээнэ харин өөрчлөлттэй эрсдэлтэй тохиолдолд дүүргийн эрүүл мэндийн төвийн эх барих эмэгтэйчүүдийн эмчийн хяналтад оруулна.

ХЯНАЛТЫН ҮЗЛЭГ, ШИНЖИЛГЭЭНИЙ ТОВЛОЛ: 

1. 3 сар буюу 10 долоо хоногоос өмнө нарийн мэргэжлийн эмчийн хяналтанд орох ёстой байдаг.
2. Хяналтанд орохын өмнө жирэмсний дотор, шүд, нарийн мэргэжлийн эмчид үзүүлж зөвлөгөө авсан байна
   

   3. 20 долоо хоногт	Ургийн анатомийн бүтцийн хэт авиан шинжилгээ /18-22 долоо хоногтойд/
   4. 24 долоо хоногт	Өлөн үеийн цусан дахь сахарын хэмжээ
   5. 28 долоо хоногт	Тэмбүүгийн сорил давтан Чихрийн шижингийн өндөр эрсдэлтэй үед ачаалалтай сорил Хэт авиан шинжилгээ /ЭХО/
   6. 32  долоо хоногт	Цусны ерөнхий шинжилгэ Шээсний ерөнхий шинжилгээ Үтрээ, умайн хүзүүний нойтон түрхцийн шинжилгээ /МАЗОК/ Хэт авиан шинжилгээ /ЭХО/
   7. 36 долоо хоногт	Б бүлгийн Стрептококкийн халдварыг илрүүлэх шинжилгээ хийнэ
   8. 38 долоо хоногт	Хэт авиан шинжилгээ Кесар мэс заслаар төрөхөөр төлөвлөсөн бол шаардлагатай шинжилгээ хийнэ