БИТҮҮМЖ ГЭЖ ЮУ ВЭ?

Иргэн даатгуулагч тодорхой нэг цаг хугацаанд хоёр өөр эмнэлэгт зэрэг үзүүлэх боломжгүй.  Тиймээс тодорхой нэг эрүүл мэндийн байгууллагад тусламж үйлчилгээ авч байх хугацаанд өөр эмнэлэгт авах тусламж үйлчилгээг давхардуулахгүй байх зохицуулалтыг ҮЗЛЭГИЙН БИТҮҮМЖ гэж ойлгож болно.

БИТҮҮМЖ ЯАГААД ҮҮСДЭГ ВЭ?

Иргэн та нарийн мэргэжлийн эмчид үзүүлээд ямар нэгэн шинжилгээ өгсөн эсвэл дүрс оношилгоонд орсон тохиолдолд Үзлэгийн цогцын битүүмж үүснэ.

БИТҮҮМЖЭЭ ХЭРХЭН ГАРГАХ ВЭ?

Оношилгоо шинжилгээнд ороод шинжилгээний хариу нь гарсны дараа тухайн шинжилгээ оруулсан нарийн мэргэжлийн эмчид буцаж очоод заавал ДАВТАН үзлэгт орно. Тухайн эмч шинжилгээний хариуг үндэслээд өөр ЭМБ-руу шилжүүлэх эсвэл зөвлөгөө өгөөд эмчилгээ бичиж өгснөөр ҮЗЛЭГИЙН БИТҮҮМЖ арилна.

Үйлчлүүлэгчдэд тавигдах шаардлага !!!

• ЭМД-ын шимтгэлийг 2019 оноос тасралтгүй төлсөн байх
• Үзлэгийн цагаас 30 минутын өмнө ирсэн байх (1 цаг хүлээгээд цуцлана)
• Давтан үзлэгт хамрагдахдаа эмчийн заалтын дагуу шинжилгээг бүрэн хийлгэж, хариугаа авч үзүүлнэ.
• 14 хоногтоо 4-с дээш эмчийн үзлэгт хамрагдахгүй !!!
• 4 ба түүнээс дээш үзлэг оношилгоо шинжилгээнд хамрагдвал төлбөртэй тусламж үйлчилгээ авна. (төлбөрийг кассанд тушаана)
• Оношилгоо шинжилгээний цаг тухайн кабинетийн эмч сувилагч нар олгоно
• Бусад эмнэлэгт үзүүлсэн оношилгоо шинжилгээ, хэвтэн эмчлүүлсэн бол битүүмжийг хаалгасан байх.
• Шинжилгээний хариуг - нэг цэгийн үйлчилгээ, eMongolia, киоск машинаас авна.