Баянзүрх дүүргийн Өрхийн эрүүл мэндийн төвүүдэд шинээр ажиллаж буй өрхийн эмч, сувилагч нарт зориулсан “Хүүхдийн өвчний цогц менежмент”-ийн 28 хоногийн сургалт 10 дугаар сарын 31-ий өдрөөс БЗД-ийн ЭМТ дээр эхэллээ. Сургалтыг НҮБ-ын Хүүхдийн сангийн Зөвлөх багш Хүүхдийн өрхийн зөвлөх зэргийн эмч Клиникийн профессор АУ-ны магистр Ш.Оюухүү, сургагч багш Ч.Цэцэгмаа нар удирдан явуулж байна. Тус сургалтаар 0-5 насны хүүхдийн өвчнийг үнэлэх, ангилах, хүүхдийн эм уух тунг тохируулан сонгох, суулгалтын эмчилгээ, хэсэг газрын халдварыг гэрээр эмчлэх, нярай хүүхдийг үнэлэх ангилах, нярайн асаргаа сувилгаа, эхэд зөвлөгөө өгөх харьцааны ур чадвар зэргийг Өрхийн эрүүл мэндийн төвийн шинэ залуу эмч сувилагч нарт эзэмшүүлэх зорилготой юм.
