Эрхэм зорилго
Эрхэм зорилго
Ур чадварт суурилсан эрүүл мэндийн тусламж үйлчилгээг тэгш хүртээмжтэй, чанартай үзүүлэх эмнэлгийн орчинг боловсронгуй болгох, иргэдэд эрүүл мэндийн боловсролыг олгох замаар хүн амын эрүүл мэндийг дэмжих
БАЯНЗҮРХ ДҮҮРГИЙН ЭРҮҮЛ МЭНДИЙН ТӨВӨӨС ӨРХИЙН ЭРҮҮЛ МЭНДИЙН ТӨВИЙН ЭМЧ МЭРГЭЖИЛТНҮҮДЭД МЭДЭЭЛЭЛ ХҮРГЭХ, МЭДЛЭГ АРГА ЗҮЙГЭЭР ХАНГАХ ЗОРИЛГООР СУРГАЛТ ЗОХИОН БАЙГУУЛЛАА
\
Баянзүрх дүүргийн Өрхийн эрүүл мэндийн төвүүдийн эмч мэргэжилтнүүдэд мэдээлэл хүргэх, мэдлэг арга зүйгээр хангах, эмнэлгийн тусламж үйлчилгээг хэрхэн сайжруулах талаар санал бодлоо солилцох зорилгоор сургалт зохион байгуулж, мэдлэг олголоо.
Эрүүл мэндийн төвийн НЭМА-ны албаны Халдварт бус өвчин хариуцсан мэргэжилтэн Д.Энхцэцэг “Халдварт бус өвчний өнөөгийн байдал” сэдвээр,
Өрхийн менежер Д.Мягмаржав “Хүн амын бүртгэлийн хөтлөлт, идэвхтэй хяналтын журам” сэдвээр ӨЭМТ-ийн удирдлага, эмч мэргэжилтнүүдэд мэдээлэл хүргэлээ.
Жил ирэх тусам Халдварт бус өвчин тэр дундаа чихрийн шижин, цусны даралт ихсэлт, хорт хавдар гэх мэт өвчин хүн амын дунд нэмэгдэх хандлагатай байна. Энэ өвчнөөс урьдчилан сэргийлэх, иргэдэд мэдээлэл хүргэх, эмчилгээ үйлчилгээний цар хүрээг сайжруулахад эрүүл мэндийн салбар, тэр дундаа хорооны Өрхийн эрүүл мэндийн төвөөсөө эхлээд анхаарах, эмч мэргэжилтнүүдийн санаа зовох асуудал болоод байна.
Сургалтын үеэр ӨЭМТ-ийн төлөөлөл “Насан урт”, “Энх агшин” , “Амгалан итгэлэхүй” ӨЭМТ-үүд 2023 оны үйл ажиллагааны онцлох тайланг хүргэж эрүүл мэндийн тусламж үйлчилгээний тулгамдаж буй асуудал болоод хэрэгжсэн сайн туршлага болохуйц ажлаа бусадтайгаа хуваалцсан юм.
МУЗН-ийн хэлтсийн дарга н.Ганбат, БЗД-ийн Улаанзагалмайн хорооны дарга Д.Жавзмаа нар сайн дурын байгууллагын үйл ажиллагааны тайлангаа сургалтанд оролцогчдод танилцууллаа. 90-ээд жилийн түүхт энэрэнгүй нигүүлслийн сайн дурын байгууллага өнгөрсөн онд нийгэмд тустай олон ажил хийж гүйцэтгэсэн нь эрүүл мэндийн салбартай холбоотой ажлууд байлаа.
БЗД-ийн ӨЭМТ-үүд өргөжин тэлж, эмч мэргэжилтний хувьд ур чадвараа сайжруулж, эмчилгээний, эмнэлгийн үйлчилгээний стандартыг судалж үйл ажиллагаандаа тусган ажиллаж байна.
БАЯНЗҮРХ ДҮҮРГИЙН ЭРҮҮЛ МЭНДИЙН ТӨВ
БЗД-ЭМТ-ийн Уламжлалтын эмч Д.Батцэнгэл: Мэдрэлийн гаралтай өвчнийг уламжлалт аргаар эмчлэх нь үр дүн өндөр байдаг
БЗД-ЭМТ-ийн Уламжлалтын эмч Д.Батцэнгэл: Мэдрэлийн гаралтай өвчнийг уламжлалт аргаар эмчлэх нь үр дүн өндөр байдаг
Мэдрэлийн гаралтай толгой, хүзүү, нурууны өвчин нас залуужиж байна. Ахмад настан ирж үйлчлүүлдэг байсан бол одоо хүүхэд багачууд, залуу насныхан нилээдгүй үйлчлүүлж байна. Нуруу, хөл, хүзүү, толгойн өвчин нь дасгал хөдөлгөөн хийдэггүй, хөдөлгөөний дутагдлаас бий болж байна.
Энэ нь хүүхдүүд хичээл номоо хийхдээ болон ухаалаг утсыг ашиглахдаа байнга бөгтийж буруу суудаг, амьдралын буруу дадал хэвшлээс ихээхэн шалтгаалж байна. Иймээс Эцэг эхчүүд хүүхдийнхээ бие бялдар оюун санааны хөгжилд бага балчир наснаас нь анхаарах хэрэгтэй.
Хөдөлгөөн засал, зүү төөнүүр, цэгэн бариа, шарлага, татлага зэрэг эмчилгээг иргэдийн эрүүл мэндээс шалтгаалж урт болон богино хугацааны давтамжтай хийж, эмчилж байна.
Эдгэрэл маш өндөр хувьтай бөгөөд эрүүл болсныхоо дараа гам алдах, дасгал хөдөлгөөн хийдэггүйгээс дахих магадлал нь өндөр байдаг.
Шөнө унтахдаа болон өдрийн цагаар ч орондоо шээдэг хүүхдүүд манайд ирдэг. 2-10 насны хүүхдүүдийн дунд орондоо шээх нь элбэг тохиолддог эмгэг. Айдас түгшүүртэй байх, стресст өртөх, нийгмийн харилцаанаас эмээдэг, гэр бүлийн орчинд таагүй уур амьсгалтай гэх мэт шалтгаанаас болж хүүхдүүд орондоо шээдэг.
Иргэдийн дунд чих шуугих, дуу чимээнд мэдрэг болох тохиолдлууд мөн ихсэж байна. Мөн нүүрний саажилт аль ч насныхны дунд элбэг тохиолддог. Түгээмэл тохиолдож байгаа өвчний нэг нь суудлын мэдрэлийн өвчин юм. Ялангуяа суугаа ажил хийдэг, үргэлж компьютерийн ард олон цагаар суудаг хүмүүс их өвчилдөг. Иргэд өвчнөө эмчлүүлж, эрт үед нь арга хэмжээ авахгүй архагшуулсанаас эмийн эмчилгээнд дарагдахгүй, уламжлалт эмчилгээг зорьж байна.
Нойргүйдлийн зовиуртай хүмүүс түгээмэл байна. Тархийг нь амраагаад булчинг нь суллаж, стресс ядаргааг тайлах эмчилгээ хийсний дараа аяндаа унтаж амардаг болно.
Уламжлалт эмчилгээний дараа хүйтэн зүйл идэж уухгүй, хүйтэн усанд гараа дүрэхгүй, хүйтэн салхинд жиндэж болохгүй. 14-21 хоног биеэ энхрийлж гамаа барьвал эмчилгээ илүү үр дүнтэй байдаг. Хамгийн зөв урьдчилан сэргийлэх арга нь тогтмол дасгал хөдөлгөөн хийж хэвших юм.
Эрүүл мэндээ хайрлая
БАЯНЗҮРХ ДҮҮРГИЙН 42-Р ХОРОО “ҮҮРИЙН МАНДАХ ГЭГЭЭ” ӨРХИЙН ЭРҮҮЛ МЭНДИЙН ТӨВ НЭЭЛТЭЭ ХИЙЛЭЭ
БЗД-ийн 42-р хороо “Үүрийн мандах гэгээ” ӨЭМТ 11 дэхь шинэ өрхийн эрүүл мэндийн төв болж үйл ажиллагаагаа эхлүүллээ.
Нээлтэнд БЗД-ийн ЗДТГ-ын Нийгмийн хөгжлийн хэлтсийн дарга Э.Баярбат, Эрүүл мэнд, нийтийн биеийн тамир хариуцсан мэргэжилтэн Б.Анхил, Эрүүл мэндийн төвийн дарга И.Батзаяа, Өрхийн менежер Д.Мягмаржав, Ц.Баасанхүү, ӨЭМТ-ийн дарга Г.Наранзул, эмч мэргэжилтнүүд оролцлоо.
БЗД-ийн 42-р хороо нь 4949 өрхтэй,15964 мянга гаруй бүртгэлтэй хүн амтай бөгөөд харьяалалын иргэдэд эрүүл мэндийн тусламж үйлчилгээг үзүүлэх юм. Албан бусаар бүртгэлгүй 2119 иргэнтэй томоохон хороодын нэг бөгөөд эдгээр иргэдэд ч эрүүл мэндийн үйлчилгээг үзүүлэхээр ажлаа эхлүүлээд байна.
БЗД-ийн хүн ам энэ жил 36 мянга гаруйгаар нэмэгдсэн бөгөөд хүн амын хэт төвлөрөлтийг дагаад эрүүл мэндийн тусламж үйлчилгээг үзүүлэх ачаалал ч нэмэгдэж байгаа юм.
Шинээр Өрхийн эрүүл мэндийн төв байгуулагдсанаар эрүүл мэндийн тусламж үйлчилгээг цаг алдалгүй үзүүлэх чанар хүртээмж сайжрах юм.
“Үүрийн мандах гэгээ” ӨЭМТ-ийн хамт олонд баяр хүргэж, цаашдын ажилд нь амжилт хүсье.
БАЯНЗҮРХ ДҮҮРГИЙН ЭРҮҮЛ МЭНДИЙН ТӨВ
БЗД-ЭМТ-ийн Эрэгтэйчүүдийн эмч Ө.Бат-Оргил: 40-өөс дээш насны эрчүүдийн гурван хүн тутмын хоёр нь бөөр шээсний замын болон бэлгийн үйл ажиллагааны хямралтай байна.
БЗД-ЭМТ-ийн Эрэгтэйчүүдийн эмч Ө.Бат-Оргил: 40-өөс дээш насны эрчүүдийн гурван хүн тутмын хоёр нь бөөр шээсний замын болон бэлгийн үйл ажиллагааны хямралтай байна.
БЗД-ЭМТ нь Нийслэлийн жишиг кабинет болж үйл ажиллагаагаа явуулж байна. Урологи-Андрологийн кабинет нь эр бэлгийн үйл ажиллагааг хянаж шинжилж бусад эмчилгээг хийдэг. Амбулаториор өдөрт 10-15 хүнийг тогтмол үзэж, зөвлөгөө өгч, нарийн шинжилгээ хийж эмчилж байна. Үүнд: Эр бэлгийн замын өвчнүүд, бөөр шээсний замын өвчин, түрүү булчирхайн үрэвсэлт өвчнүүдийг оношилж эмчилдэг. Мөн үр тогтоох чадвар үрийн шингэний шинжилгээ, PCR шинжилгээ гэх мэт нарийн шинжилгээнүүдийг ч хийж байна.
Монгол улсын хэмжээнд 40-өөс дээш насны эрчүүдийн гурван хүн тутмын хоёр нь бөөр шээсний замын болон бэлгийн үйл ажиллагааны хямралтай байна гэсэн судалгаа байна. Энэ өвчин эрүүл мэндийн боловсрол дутмаг, амьдралын хэв маягтай салшгүй холбоотой. Түгээмэл шалтгаан нь Халдвар, Гэмтэл, Судасны бүдүүрэл /удаан сууж ажилладаг/, Химийн хорт бодистой ажилладаг хүн гэх мэт.
Мөн бага насны болон өсвөр насны эрэгтэй хүүхдээ үзүүлж бэлгийн бойжилт хэвийн явагдаж байгаа эсэхийг мэдэх эрүүл мэндээ анхнаас нь анхаарч эрүүл мэндийн боловсрол, дадалтай болгох боломжтой.
Өглөө 08:30-15:00 цагийн хооронд үзлэг хийж, 20-32 хүнд үйлчлэх хүчин чадалтай. Насны ангиллын хувьд бүх насныханд жигд өвчлөл үрэвсэл, хямралууд тохиолдож байна. Үрэвсэлт өвчнөөс урьдчилан сэргийлж тогтмол эмчид үзүүлж байхыг зөвлөе. Эрэгтэйчүүдийн ямар ч өвчнийг цаг тухайд нь оношилвол бүрэн эмчлэгддэг.
Эрэгтэйчүүдийн кабинет харьяалал харгалзахгүй үйлчилдэг. Emongolia.mn сайтаар нэвтрэн орох болон 1800-0119 дугаарт холбогдон цаг авч үзүүлэх боломжтой.
Эрүүл мэндээ хайрлая
Шинэ оны мэнд хүргэе
Айлчлан ирж буй Шинэ оны мэндийг Баянзүрх дүүргийн иргэд, Эрүүл мэндийн төвийн удирдлага, эмч, ажилтан, албан хаагчид та бүхэндээ хүргэе! 
Он цагийн тооллоор учран золгож буй шинэ жилдээ
Од хийморь орчлонгийн сайн сайхан бүхнээр дүүрэн байхыг билэгдэн
Ажлын амжилт амьдралд тань аз жаргал сайн сайхан бүхнийг хүсье
Айлчлан ирж буй 2024 ондоо Монгол улсын өрх бүр элэг бүтэн, иргэн бүр эрүүл энх байхыг ерөөе!
Баянзүрх дүүргийн Эрүүл мэндийн төв
Эрт илрүүлэг шинжилгээнд хамрагдсан иргэдийг насны ангиллаар танилцуулж байна
Шинжилгээнд хамрагдсан иргэдийг насны ангиллаар танилцуулж байна
Урьдчилан сэргийлэх, эрт илрүүлэг үзлэг шинжилгээндээ идэвхтэй хамрагдаарай 
Таны эрүүл мэнд таны гарт
Ханиад томууны дэгдэлт ихтэй үед амны хаалтыг тогтмол зүүж хэвшие
Амьсгалын замын халдварт өвчний дэгдэлт өндөр байгаа Өвлийн улиралд амны хаалтыг тогтмол хэрэглэх зайлшгүй шаардлагатай
Амны хаалтыг огт хэрэглээгүй тохиолдолд халдвар авах эрсдэл МАШ ӨНДӨР
Хүн бүр амны хаалт хэрэглэвэл халдвар тархах эрсдэл БАГА
Дархлаагаа дэмжих
Хангалттай унтаж амрах, Эрүүл хооллох
Нийгмийн харилцаагаа аль болох багасгах
Ариун цэврийг тогтмол сахих
Эдгээр дадлыг хэрэгжүүлэх нь Амьсгалын замын халдварт өвчнөөс сэргийлэх энгийн алхамууд юм
БЗД-ийн Эрүүл мэндийн төвийн харьяа байгууллагууд сүлд модоо заслаа
Нийслэлийн захирагчийн ажлын албанаас Төрийн байгууллагууд албан тасалгаа, иргэдийн үйлчлүүлдэг хэсгүүдийг чимэж, гацуур мод засах уриалга дэвшүүлсэн. Энэ нь иргэдэд шинэ оны уур амьсгалыг мэдрүүлж, таатай сэтгэгдэл төрүүлэх зорилготой юм.
БЗД-ийн Эрүүл мэндийн төвийн харьяа байгууллагууд сүлд модоо засаж, иргэдэд таатай уур амьсгал мэдрүүлэхийг зорьж үйлчилж байна. Иргэд та бүхэн тавтай үйлчлүүлээрэй.
